top of page

[MSE:QPay] “Инновэйшн Инвестмент” ХК 2025 оны эхний хагас жилийн санхүүгийн үр дүнгээ зарлалаа

  • Writer: Innovation Investment JSC
    Innovation Investment JSC
  • Jul 23
  • 2 min read

“ИННОВЭЙШН ИНВЕСТМЕНТ” ХК 

Монгол Улс, Улаанбаатар хот



Хураангуй үр дүн

  • “Инновэйшн Инвестмент” ХК -ийн 2025 оны эхний хагас жилийн цэвэр ашиг 7.3 тэрбум төгрөгт хүрснээр өнгөрсөн оны мөн үеэс 38.6 хувиар өсөж хагас жилийн төлөвлөгөөг 124 хувиар биелүүллээ.  

  • Нэгж хувьцаанд ногдох ашиг (EPS) 2025 оны эхний хагас жилд 39.6 төгрөгт хүрч өмнөх оны мөн үеэс 38 хувиар өслөө, хагас жилийн дундаж ханшаар үнэ ашгийн харьцааг (P/E)  тооцвол 5.4 байна.

  • Мөн борлуулалтын орлого 16.5 тэрбум төгрөгт хүрч өмнөх оны мөн үеэс 50.2 хувиар,  нийт хөрөнгө 25.3 тэрбум төгрөгт хүрч 20.2 хувиар, өөрийн хөрөнгө 22.9 тэрбум төгрөгт хүрч 27.8 хувиар тус тус өссөн үзүүлэлттэй байна.

  • 2025 оны хагас жилд QPay үйлчилгээ нь төлбөр тооцооны зах зээлийн нийт гүйлгээний 10 хувийг, гүйлгээний дүнгийн 2 хувийг эзэлж байна.


2025 онд төлбөр тооцооны зах зээл дэх байр сууриа бэхжүүлэх, нэмэгдүүлэх үүднээс Бизнес төлөвлөгөөнд тусгагдсаны дагуу хүний нөөц, суурь дэд бүтэц, бүтээгдэхүүн хөгжүүлэлт, брэндинг, маркетингийн үйл ажиллагаандаа илүү анхааран эрчимжүүлэн ажиллаж байна. Үүний үр дүнд 2024–2025 онд QPay үйлчилгээгээр хийгдсэн гүйлгээний тоо улирал тутам дунджаар 13.8 хувиар, харин гүйлгээний үнийн дүн 15.5 хувиар өссөн байна. Ийнхүү 2024 оны эцэст нийт бэлэн бус төлбөр тооцооны зах зээлийн 8.5 хувийг эзэлж байсан бол 2025 оны эхний хагас жилд 10 хувьд хүрч, зах зээлд эзлэх байр сууриа улам бэхжүүллээ.


2025 оны хагас жилээр  7.3 тэрбум төгрөгийн цэвэр ашигтай ажилласнаар хагас жилийн төлөвлөгөөг 24 хувиар давуулан биелүүлсэн бол 2025 оны нийт жилийн төлөвлөгөөнийхөө 60 хувьд хүрээд байна. 


 /тэрбум төгрөгөөр/

Санхүүгийн голлох үзүүлэлт

2024 Q2 гүйцэтгэл

2025 Q2 гүйцэтгэл

2025 Q4

төлөвлөгөө

Балансын үзүүлэлт




Нийт хөрөнгө

21.06

25.31

25.1

Нийт өр төлбөр

3.15

2.44

6.6

Өөрийн хөрөнгө

17.9

22.87

18.5

Орлогын үзүүлэлт




Борлуулалтын орлого

10.95

16.45

39.0

Борлуулалтын өртөг

4.47

6.78

17.5

Цэвэр ашиг

6.48

7.32

12.1

Инновэйшн Инвестмент ХК-ийн хөгжүүлсэн QPay үйлчилгээ нь Монгол улсад хамгийн өргөн хэрэглээтэй дотооддоо хөгжүүлсэн төлбөр тооцооны системд зүй ёсоор тооцогддог ба 2025 оны эхний хагас жилийн байдлаар нийт 7.4 их наяд төгрөгийн үнийн дүн бүхий 113.8 сая ширхэг гүйлгээг  дамжуулсан байна.

Инновэйшн Инвестмент ХК-ийн 2025 оны эхний хагас жилийн санхүүгийн тайланг Энд дарж үзнэ үү.


Холбоо барих:


Нэмэлт мэдээлэл авах суваг:

  • Хөрөнгө оруулагчийн харилцаа хариуцсан менежер: П.Мөнхтуяа

  • Утас: 88004829

  • Имейл: munkhtuya.p@qpay.mn

 
 
bottom of page