[MSE:QPAY] ИННОВЭЙШН ИНВЕСТМЕНТ ХК-ИЙН ТУЗ-ИЙН ХАРААТ БУС ГИШҮҮНИЙГ СОНГОХ НЭЭЛТТЭЙ СОНГОН ШАЛГАРУУЛАЛТЫГ ЗАРЛАЖ БАЙНА.

Компанийн тухай хуулийн 79 дүгээр зүйл, 81 дүгээр зүйлийг тус тус үндэслэн ТУЗ-ийн хараат бус гишүүнийг сонгох нээлттэй сонгон шалгаруулалтыг зарлаж байна.

Тавигдах шаардлага:

• Банк, санхүү, эдийн засаг, мэдээллийн технологи, хууль эрх зүй, бизнесийн удирдлагын чиглэлээр бакалавр болон түүнээс дээш боловсрол эзэмшсэн байх;

• Мэргэжлээрээ 5-аас доошгүй жил ажилласан туршлагатай байх;

• Компанийн засаглалын чиглэлээр сургалтад хамрагдаж, гэрчилгээ авсан байх;

• ТУЗ-ийн хурал болон шаардлагатай бусад үйл ажиллагаанд биечлэн идэвхтэй оролцох боломжтой байх;

• Компанитай нэгдмэл сонирхолгүй, компанийн үйл ажиллагаанд оролцогч талуудын (хувьцаа эзэмшигч, хамтран ажиллагч гэх мэт) ашиг сонирхлыг төлөөлдөггүй, бизнесийн аливаа холбоогүй байх;

• Өөрөө болон нэгдмэл сонирхолтой этгээдийн хамт компанийн энгийн хувьцаа эзэмшдэггүй байх;

• Сүүлийн 3 жилийн хугацаанд “Инновэйшн Инвестмент”ХК болон түүний хамаарал бүхий этгээдэд эрх бүхий албан тушаал хашиж байгаагүй, үүсгэн байгуулагч болон хувьцаа эзэмшигчидтэй хамтран ажиллаагүй, өрсөлдөгч компанид ажилладаггүй байх;

• ТУЗ-ийн бусад гишүүд болон гүйцэтгэх удирдлагын багийн гишүүдтэй нэгдмэл сонирхолгүй, садан төрлийн холбоогүй байх;

• Төрийн үйлчилгээний албанаас бусад төрлийн төрийн алба хашдаггүй байх (төрийн болон нутгийн захиргааны байгууллага, цэрэг, цагдаа, шүүх, прокурорын байгууллагад удирдах албан тушаал эрхэлдэггүй байх);

• Зээл, батлан даалт, баталгааны гэрээгээр хугацаа хэтэрсэн өр төлбөргүй байх;

• Эрүүгийн хариуцлага хүлээж байгаагүй байх;

Бүрдүүлэх материал:

• Сонгон шалгаруулалтад оролцох хүсэлт;

• Анкет (бүрэн бөглөсөн байх); Анкетийг энд дарж татаж авна уу.

• Цээж зургийг анхан шатанд дижитал хэлбэрээр ирүүлэх боломжтой;

• Сонгон шалгаруулалтад тэнцсэн тохиолдолд 3×4 хэмжээтэй цээж зургийг 2 хувь эх хувиар нэмж ирүүлнэ;

• Боловсролын диплом, үнэмлэх, мэргэжлийн болон бусад сургалтын гэрчилгээ, компанийн засаглалын сертификатын хуулбар;

• Үнэт цаасны төвлөрсөн хадгаламжийн төвөөс авсан үнэт цаас эзэмшлийн тодорхойлолт;

Бүрдүүлэх материалтай холбоотой тайлбар:

• Доор дурдсан лавлагаа, тодорхойлолтыг сонгон шалгаруулалтын дараагийн шатанд буюу 2026 оны 5 дугаар сарын 18-ны өдрийн ээлжит бус Хувьцаа эзэмшигчдийн хурлын (ХЭХ) шийдвэрээр сонгогдсон гишүүдээс шаардана.

• Анхан шатанд нэр дэвшигч нь тухайн мэдээллийг анкетад үнэн зөв тусгасан байна.

• Сонгон шалгаруулалтад тэнцсэн тохиолдолд холбогдох баримт бичгийг E-Mongolia системээс бүрдүүлж ирүүлнэ.

Дараах лавлагааг E-Mongolia системээс авч ирүүлэх. Үүнд:

• Иргэний үнэмлэхний лавлагаа;

• Шүүхийн шийдвэрийн дагуу өр төлбөртэй эсэх лавлагаа;

• Эрүүгийн хариуцлага хүлээж байгаа эсэх тодорхойлолт;

• Эрүүгийн хариуцлага хүлээж байсан эсэх тодорхойлолт;

• Нийгмийн даатгалын лавлагаа (ажилласан хугацааны мэдээлэл);

• Зээлийн мэдээллийн сангийн лавлагаа;

• Хуулийн этгээдтэй эсэх лавлагаа;

Анхаарах зүйлс:

• Ирүүлсэн материалыг сонгон шалгаруулалтын дараа буцаан олгохгүй;

• Хугацаа хоцорсон материалыг хүлээн авахгүй;

Сонгон шалгаруулалтын материал хүлээн авах хаяг:

• Нэр дэвшигчдийн материалыг 2026 оны 4 дүгээр сарын 15-ны өдрийг дуусталх хугацаанд доорх хаягуудын аль нэгээр хүлээн авна.

  • boardsecretary@qpay.mn имэйл хаяг;

  • Улаанбаатар хот, Хан-Уул дүүрэг, 15-р хороо, Махатма Гандигийн гудамж, НМ төв, 8 давхарт байрлах Инновэйшн Инвестмент ХК-ийн байранд;

• Нэмэлт мэдээллийг 9990-7664 утсаар авах боломжтой.